2016 гъэм (шыщхьэIум) августым и 1-м Черкесск къалэм деж щекIуэкIащ псапащIэ концерт. Ар траухуащ Репатриантым (Хэкум къэзыгъэзажэхэм) я Махуэм. Концертыр ягъэдэхащ Къэрэшей-Черкесымрэ Къэбэрдей-Балъкъэрымрэ щыщ артист цIэрыIуэхэм. МахуэщIыр кIэух хуэхъуащ мазэм щIигъукIэ екIуэкIа псапащIэ марафоным. Акцэм и къалэн нэхъыщхьэу щытащ Сирием (Щамым) къикIыжауэ, КъЧР-м щыпсэу ди лъэпкъэгъухэм ядэIэпыкъуныр. Марафоным ипкъ иту, цIыху зэхуэмыдэ бжыгъэхэм я мылъку халъхьэкIэрэ мы Iуэхур ягъэкIуэтащ. ПсапащIэ марафоным къыхэкIа мылъкур трагуэшаш Сирием (Щамым) щыщ беженцхэм. ПсапащIэ Iуэхугъуэмрэ концертымрэ зэригъэпэщащ КъЧР-м щыIэ «ЩIалэгъуалэ Адыгэ Хасэ» жылагъуэ зэщIэхъееныгъэм.

comments powered by HyperComments