Жэпуэгъуэм (октябрым) и 7-м Черкесск къалэм деж «ЩIалэгъуалэ Адыгэ Хасэ» жылагъуэ зэщIэхъееныгъэм пэкIу (митинг) иригъэкIуэкIащ. ПэкIумкIэ щIалэгъуалэм къигъэлъэгъуащ Урысей Федерацэм Щамым (Сирием) деж щригъэкIуэкI политикэм арэзы зэрытехъуэр.

Жылагъуэ зэщIэхъееныгъэм къызэрилъытэмкIэ, Урысейм Щамым игъэкIуа къарухэм къэралыр мамыр гъащIэм хуэмурэ хуэкIуэжынымкIэ Iэмал кърат.

Щамым мымащIэу щопсэу Ищхъэрэ Кавказым щыщ лъэпкъхэм къахэкIахэр, псом хуэмыдэу, адыгэхэр. Абы къыхэкIыу, «ЩIалэгъуалэ Адыгэ Хасэм» Урысейм фIыщIэ хуещI и военнэ къарухэр Щамым и Правительствэм дэIэпыкъун мурадкIэ зэриутIыпщам папщIэ.

КъинэмыщIауэ, пэкIум деж щIалэгъуалэм зыхуагъэзащ лъэIукIэ УФ-м и Президент Путин Владимир икIи щIэлъэIуащ Щамым щыщ ди лъэпкъэгъу адыгэхэм-беженецхэм Урысейм къыбгъэдэкIыу дэIэпыкъуныгъэ гуэр ягъуэтыну.

FUSwnJpTA9E

iqiomQVOqGE

O2DfXoFe8UY

Y-c8WiKr5KU

10_541cc

comments powered by HyperComments